રાજકોટ યુનિવર્સિટી પોલીસે ગણતરીની કલાકોમાં ગુમ થયેલી બાળકીને શોધી કાઢી, પરિવાર સાથે મિલન કરાવ્યું

રાજકોટ શહેરના યુનિવર્સિટી પોલીસ સ્ટેશન વિસ્તારમાંથી ગુમ થયેલી એક બાળકીને પોલીસે ગણતરીની કલાકોમાં શોધી કાઢી અને તેના પરિવાર સાથે સુખદ મિલન કરાવ્યું છે. આ ઘટના પોલીસની માનવતાભરી કામગીરીનો ઉદાહરણ બની રહી છે.

મળતી વિગતો મુજબ, બાળકીએ રસ્તો ભૂલી ગોળે અને પરિવારથી છૂટી પડી હતી. આ માહિતી મળતાં જ યુનિવર્સિટી પોલીસે તાત્કાલિક ટીમ બનાવી અને આસપાસના વિસ્તારમાં તપાસ હાથ ધરી હતી. પોલીસે સીસીટીવી ફૂટેજ અને હ્યુમન સોર્સની મદદ લઈને બાળકીને સહી-સલામત શોધી કાઢવામાં સફળતા મેળવી હતી.

બાળકી મળી આવ્યા બાદ પોલીસે તેને પોલીસ સ્ટેશન લાવી અને ત્યાંથી તેના પરિવારનો સંપર્ક કર્યો હતો. બાળકીને સુખદ રીતે તેના પરિવારને સોંપવામાં આવી હતી. દીકરી પરત મળતાં પરિવારે રાજકોટ પોલીસનો આભાર માન્યો હતો.

પોલીસની આ ઝડપી અને માનવતાભરી કામગીરીને સ્થાનિક લોકોએ બિરદાવી છે. આ ઘટનાએ શહેરવાસીઓમાં પોલીસ પર વિશ્વાસ વધાર્યો છે.