સુરતના પીપલોદમાં એસબીઆર મહેશ્વરી વિદ્યાપીઠમાં શિફ્ટ બદલાવને લઈને વાલીઓમાં પ્રચંડ રોષ

સુરતના પીપલોદમાં આવેલ એસબીઆર મહેશ્વરી વિદ્યાપીઠમાં વિદ્યાર્થીઓની શિફ્ટ બદલવાના અચાનક નિર્ણયને લઈને વાલીઓમાં ભારે રોષ અને નારાજગી જોવા મળી. શાળા સંચાલકો દ્વારા નિયમોમાં થયેલા આ અચાનક ફેરફારોને વિરોધ રૂપે મોટી સંખ્યામાં વાલીઓ શાળાના પ્રાંગણમાં એકત્ર થયા.

વાલીઓએ સ્પષ્ટ રીતે આક્ષેપ કર્યો કે શાળા પ્રશાસન પોતાની મનમાની ચલાવીને વિદ્યાર્થીઓ અને વાલીઓ સાથે છેતરપિંડી કરી રહ્યું છે. તેઓએ શિફ્ટ બદલાવને અયોગ્ય અને અણધારી ગણાવી, શાળાની નીતિમાં પારદર્શિતાની માંગ કરી.

પ્રદર્શન દરમિયાન વાલીઓએ ન્યાયની માંગ સાથે સૂત્રોચ્ચાર કર્યા અને શાળાની કામગીરીને સુધારવા માટે તાત્કાલિક પગલાં લેવા વિનંતી કરી. શાળા સંચાલન તરફથી કોઈ સ્પષ્ટ પ્રતિસાદ નોંધાયો નથી, અને સ્થિતિને શાંત કરવા માટે આગળની કાર્યવાહીનું નિરીક્ષણ ચાલુ છે.