સુરતમાં કાપોદ્રા અને અમરોલી વિસ્તારમાં જૂથ અથડામણ અને મારામારીના બે અલગ-અલગ બનાવો

સુરત શહેરમાં કાપોદ્રા અને અમરોલી વિસ્તારમાં જૂથ અથડામણ અને મારામારીના બે અલગ-અલગ બનાવો સામે આવ્યા છે, જેથી વિસ્તારમાં ભારે હોબાળો મચી ગયો છે.

કાપોદ્રા વિસ્તારમાં કોલેજમાં જૂથ વર્ચસ્વ મુદ્દે થયેલી તકરાર બાદ ઘાતક હથિયારો સાથે ધસી આવેલા ટોળાએ યુવક તથા તેના મિત્રો પર હુમલો કર્યો હતો. આ હુમલામાં યુવકોને ગંભીર ઈજાઓ પહોંચાડાઈ છે.

જ્યારે અમરોલી વિસ્તારમાં એપાર્ટમેન્ટના ટેરેસ પર ગરબા રમવા જેવી સામાન્ય બાબતમાં ઉશ્કેરાયેલા પરિવારે પાડોશીઓ પર હુમલો કર્યો હતો. આ દરમિયાન હુમલાખોરોએ પ્લાસ્ટિકના પાઈપ અને ઢીકાપાટુ વડે પાડોશીઓને મારી પીટ્યા હતા.

આ ઉપરાંત, હુમલાખોરોએ પાડોશીઓને જાનથી મારી નાખવાની ધમકી પણ આપી હતી. બંને મામલે પોલીસે ગુનો નોંધીને વધુ તપાસ હાથ ધરી છે.