ઉનાવા ગામ નું તળાવ બન્યું ગંદગી નું સામ્રાજ્ય

સરકારી તંત્રની ઘોર બેદરકારી: ઉનાવા ગામનું તળાવ બન્યું ગંદકીનું સામ્રાજ્ય!
• સ્થળ: ઉનાવા ગામ, તાલુકો ઉંઝા, જીલ્લો મહેસાણા
મહેસાણા જિલ્લાના ઉંઝા તાલુકામાં આવેલા ઐતિહાસિક ઉનાવા ગામે સ્થાનિક તળાવની હાલત અત્યંત દયનીય અને ખરાબ થઈ ચૂકી છે. તળાવમાં ચારેય તરફ જંગલી વનસ્પતિ (વેલ) અને કચરાના ઢગલા જામી ગયા છે, જેના કારણે પાણી સંપૂર્ણપણે ઢંકાઈ ગયું છે.
ગામની મધ્યમાં આવેલા આ મહત્વના તળાવની આવી દુર્દશા હોવા છતાં સ્થાનિક પ્રશાસન કે જવાબદાર તંત્ર દ્વારા કોઈ જ ધ્યાન આપવામાં આવતું નથી. તળાવની યોગ્ય સફાઈ ન થવાને કારણે આસપાસના રહીશોમાં રોગચાળો ફાટી નીકળવાનો ભય સતાવી રહ્યો છે. ગામ લોકો દ્વારા તંત્ર સમક્ષ ઉગ્ર માંગ કરવામાં આવી રહી છે કે આ બાબતે વહેલી તકે યોગ્ય કાર્યવાહી કરી તળાવની કાયાપલટ કરવામાં આવે.