கோவையில் கொந்தளித்த அமைச்சர்! அதிகாரிகளிடம் சரமாரிக் கேள்விகள்!

கோவையில் கனமழையால் சாலைகளிலும் குடியிருப்புப் பகுதிகளிலும் மழைநீர் தேங்கியுள்ள நிலையில், நேரில் ஆய்வு செய்த அமைச்சர் சம்பத்குமார் மாநகராட்சி அதிகாரிகளிடம் கடும் அதிருப்தியை வெளிப்படுத்தியுள்ளார்.
சிவானந்த காலனி, சங்கனூர், ரத்தினபுரி உள்ளிட்ட பகுதிகளில் மழைநீருடன் கழிவுநீரும் குடியிருப்புகளுக்குள் புகுந்ததால் பொதுமக்கள் பாதிக்கப்பட்டுள்ளனர்.
இந்த நிலைமைக்கான காரணம் என்ன என்றும், மழைநீர் வடிகால் பராமரிப்புப் பணிகள் முறையாக மேற்கொள்ளப்பட்டனவா என்றும் அமைச்சர் அதிகாரிகளிடம் கேள்வி எழுப்பியதாகத் தகவல்கள் தெரிவிக்கின்றன.
மேலும், எந்தெந்தப் பகுதிகளில் பணிகள் நடைபெற்றுள்ளன என்பதை விளக்குமாறும் அவர் கேட்டதாகச் செய்திகள் வெளியாகியுள்ளன.