જૂનાગઢના દોલતપરા વિસ્તારમાં રૂ. ૩ લાખની ઘરફોડ ચોરીનો ભેદ ઉકેલ્યો, બે આરોપીઓ પકડાયા

જૂનાગઢ ‘એ’ ડિવિઝન પોલીસ સ્ટેશન વિસ્તારમાં આવેલ દોલતપરા વિસ્તારમાં બંધ મકાનનું તાળું તોડીને રૂ. ૩,૦૦,૦૦૦/-ની રોકડ રકમની ચોરી કરવામાં આવી હતી.

પોલીસની બાતમી અને ટેક્નિકલ સર્વેલન્સની મદદથી સફળ રેડ કરીને ચોરીનો ભેદ ગણતરીના દિવસોમાં જ ઉકેલી નાખ્યો છે.

જપ્ત કરાયેલા આરોપીઓમાં કિરણભાઈ કાળુભાઈ પરમાર (રહે. દોલતપરા, જૂનાગઢ) અને સુનીલ ઉર્ફે સુનીયો ધરમભાઈ સોઢા (રહે. જૂનાગઢ, મૂળ સાણાગઢ, તા. લીંબડી, જી. સુરેન્દ્રનગર) સામેલ છે.

પોલીસે આરોપીઓ પાસેથી ચોરી કરાયેલ પૂરેપૂરી રૂ. ૩,૦૦,૦૦૦/-ની રોકડ કબ્જે કરી લીધી છે.

આ સફળ ઓપરેશન પોલીસ ઈન્સ્પેક્ટર એ.બી. ચૌધરી અને એ.ડી.પી.ઓ.રે.ની સમગ્ર ટીમ દ્વારા પાર પાડવામાં આવ્યું.