બગસરા તાલુકામાં મહેસૂલી તલાટીઓની કામગીરી માટે નિર્ધારિત દિવસો જાહેર

બગસરા તાલુકામાં મહેસૂલી તલાટીઓની કામગીરી માટે નિર્ધારિત દિવસો જાહેર કરવામાં આવ્યા છે, જેથી સંબંધિત ગામોમાં કર વસૂલાતની પ્રક્રિયા સુગમ બને.

મુંજીયાસર, શીલાણા, હડાળા, હામપુર, માવજંજવા, માણેકવાડા અને શાપર સેજાના જેવા મોટા ગામોમાં તલાટીઓની કામગીરી માટે સમયસૂચિ તૈયાર કરવામાં આવી છે.

માહિતી અનુસાર, સોમવારથી બુધવાર સુધી સેજાના મુખ્ય મથકે તલાટીઓ હાજર રહેશે. ગુરુવારને બગસરા મામલતદાર કચેરીમાં કામગીરી કરશે, જ્યારે શુક્રવાર અને શનિવારે સેજાના ગામોમાં ક્ષેત્રિય કામગીરી માટે ઉપસ્થિત રહેશે.

બગસરા સિટી તલાટી પણ સોમવારથી બુધવાર અને શુક્રવાર-શનિવારે સિટી તલાટી તરીકે કામગીરી કરશે, તથા ગુરુવારે મામલતદાર કચેરીમાં હાજર રહેશે.

આ સમયસૂચિ બગસરા મામલતદારની યાદીમાં દર્શાવવામાં આવી છે.