બારડોલી ચેમ્બર ઓફ કોમર્સે દિવાળીમાં વેપારને પ્રોત્સાહન માટે પાલિકા સાથે સફળ ચર્ચા કરી

આગામી દિવાળીના તહેવારો દરમિયાન બારડોલી ચેમ્બર ઓફ કોમર્સ એન્ડ ઇન્ડસ્ટ્રીઝ દ્વારા સ્થાનિક વેપાર-રોજગારને વેગ આપવા માટે પાલિકા સમક્ષ રજૂઆત કરવામાં આવી.

તહેવારો ટાણે દુકાનની બહાર મંડપ બાંધી, લાઇટિંગ-સજાવટ કરી માલસામાનનું આકર્ષક ડિસ્પ્લે કરી શકાય તે માટે પાલિકા તંત્ર દ્વારા વેપારીઓને કોઈ હેરાનગતિ કરવામાં ન આવે તેવી માંગ સાથે.

ચેમ્બર પ્રમુખ પ્રદીપ અગ્રવાલ, મંત્રી રાકેશ ગાંધી, નિરંજન માનાજી અને જયંતી શાહે નગરપાલિકા પ્રમુખ નીલમબેન વ્યાસ તથા કારોબારી ચેરમેન જેનિશ ભંડારી સમક્ષ વેપારીઓની લાગણી રજૂ કરી.

પાલિકા પ્રમુખ અને કારોબારી ચેરમેને હકારાત્મક પ્રતિસાદ આપતાં નગરના તમામ વેપારીઓને દિવાળી પર્વ નિમિત્તે ધંધો-રોજગાર વધારવા માટે સંપૂર્ણ સહયોગ આપવાની ખાતરી આપી.

આ નિર્ણયથી દુકાનદારોમાં આનંદ છવાયો છે અને તેઓ આ તહેવારમાં વધુ વેચાણની આશા રાખે છે.