ਪ੍ਰਗਿਆਨ ਓਝਾ ਬਣੇ ਭਾਰਤੀ ਪੁਰਸ਼ ਕ੍ਰਿਕਟ ਟੀਮ ਦੇ ਨਵੇਂ ਚੀਫ ਸਿਲੈਕਟਰ, ਰਮੇਸ਼ ਪੋਵਾਰ ਦੀ ਚੋਣ ਪੈਨਲ 'ਚ ਐਂਟਰੀ

ਸਿਲੈਕਟਰ, ਰਮੇਸ਼ ਪੋਵਾਰ ਦੀ ਚੋਣ ਪੈਨਲ 'ਚ ਐਂਟਰੀ
‎Monday, Oct 19, 2026 ।
‎
‎
‎ਨਵੀਂ ਦਿੱਲੀ : ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (BCCI) ਨੇ ਪੁਰਸ਼ ਕ੍ਰਿਕਟ ਟੀਮ ਦੀ ਚੋਣ ਕਮੇਟੀ ਵਿੱਚ ਵੱਡਾ ਫੇਰਬਦਲ ਕਰਦਿਆਂ ਸਾਬਕਾ ਸਪਿਨਰ ਪ੍ਰਗਿਆਨ ਓਝਾ ਨੂੰ ਨਵਾਂ ਚੇਅਰਮੈਨ (ਚੀਫ ਸਿਲੈਕਟਰ) ਨਿਯੁਕਤ ਕੀਤਾ ਹੈ। ਉਹ ਸਾਬਕਾ ਚੇਅਰਮੈਨ ਅਜੀਤ ਅਗਰਕਾਰ ਦੀ ਜਗ੍ਹਾ ਇਹ ਜ਼ਿੰਮੇਵਾਰੀ ਸੰਭਾਲਣਗੇ। ਓਝਾ ਨੂੰ ਸਭ ਤੋਂ ਵੱਧ ਟੈਸਟ ਮੈਚ ਖੇਡਣ ਦੀ ਸੀਨੀਓਰਤਾ ਦੇ ਆਧਾਰ 'ਤੇ ਚੋਣ ਕਮੇਟੀ ਦਾ ਚੇਅਰਮੈਨ ਬਣਾਇਆ ਗਿਆ ਹੈ।
‎
‎ਰਮੇਸ਼ ਪੋਵਾਰ ਦੀ ਚੋਣ ਕਮੇਟੀ 'ਚ ਐਂਟਰੀ
‎ਇਸ ਦੇ ਨਾਲ ਹੀ ਪੂਰਵ ਭਾਰਤੀ ਕ੍ਰਿਕਟਰ ਰਮੇਸ਼ ਪੋਵਾਰ ਨੂੰ ਚੋਣ ਕਮੇਟੀ ਦੇ ਨਵੇਂ ਮੈਂਬਰ ਵਜੋਂ ਸ਼ਾਮਲ ਕੀਤਾ ਗਿਆ ਹੈ। ਬੀ.ਸੀ.ਸੀ.ਆਈ. ਦੀ ਕ੍ਰਿਕਟ ਸਲਾਹਕਾਰ ਕਮੇਟੀ (CAC) ਦੇ ਮੈਂਬਰਾਂ ਅਸ਼ੋਕ ਮਲਹੋਤਰਾ ਅਤੇ ਜਤਿਨ ਪਰਾੰਜਪੇ ਨੇ ਸਕ੍ਰੀਨਿੰਗ ਅਤੇ ਇੰਟਰਵਿਊ ਤੋਂ ਬਾਅਦ ਸਰਵਸੰਮਤੀ ਨਾਲ ਪੋਵਾਰ ਦੇ ਨਾਂ ਦੀ ਸਿਫ਼ਾਰਸ਼ ਕੀਤੀ। ਰਮੇਸ਼ ਪੋਵਾਰ ਨੇ ਭਾਰਤ ਲਈ 2 ਟੈਸਟ ਅਤੇ 31 ਵਨਡੇ ਮੈਚ ਖੇਡੇ ਹਨ। ਉਹ ਭਾਰਤੀ ਮਹਿਲਾ ਟੀਮ ਦੇ ਮੁੱਖ ਕੋਚ ਵੀ ਰਹਿ ਚੁੱਕੇ ਹਨ, ਜਿਨ੍ਹਾਂ ਦੀ ਕੋਚਿੰਗ ਹੇਠ ਟੀਮ ਨੇ ਏਸ਼ੀਆ ਕੱਪ ਜਿੱਤਿਆ ਸੀ ਅਤੇ ਰਾਸ਼ਟਰਮੰਡਲ ਖੇਡਾਂ ਵਿੱਚ ਚਾਂਦੀ ਦਾ ਤਗਮਾ ਹਾਸਲ ਕੀਤਾ ਸੀ।