ગ્વાલિયર શીતલા માતા મંદિર નજીક ટ્રક પલટીથી ૧૪ શ્રદ્ધાળુઓનાં મોત

ગ્વાલિયરના શીતલા માતા મંદિરની નજીક ઢાળ પરથી ઉતરતા ઓવરલોડ ટ્રક અચાનક કાબુ બહાર જતાં શ્રદ્ધાળુઓ પર પલટી ગયો.

આ દુર્ઘટનામાં ૧૪ શ્રદ્ધાળુઓનાં કરૂણ મોત નીપજ્યા અને ૨૮ લોકો ઘાયલ થયા. કુલ ૩૯ ઘાયલ લોકોને તાત્કાલિક હોસ્પિટલે ખસેડવામાં આવ્યા, જેમાંથી ૫ લોકોની હાલત અત્યંત ગંભીર છે. ઘટનાસ્થળે તૈનાત બે પોલીસકર્મીઓ પણ ઘાયલ થયા.

અકસ્માત સમયે ટ્રક ચીનૌર તરફથી આવતા ઢાળવાળા રસ્તા પર ભારે વાહનો પર પ્રતિબંધ હોવા છતાં આવી ગયો હતો. બપોરે ૧:૩૦ વાગ્યાની આસપાસ બ્રેક ફેલ થવાને કારણે ટ્રક પોલીસ બેરિકેડ તોડીને મંદિરની બહાર ચાલતા ભક્તો સાથે અથડાઈ પલટી માર્યો.

જિલ્લા મેજિસ્ટ્રેટ રુચિકા ચૌહાણ અને એસએસપી ધર્મવીર સિંહે જણાવ્યું કે વહીવટીતંત્રે ટ્રકની યાંત્રિક ખામી તપાસ માટે આરટીઓ ટીમને જવાબદારી સોંપી છે અને ઘટનાના કારણો અંગે તપાસ ચાલુ છે.