પ્રાંતિજમાં રાજ ગેસ્ટ હાઉસ પર દરોડો: દેહવ્યાપાર ચલાવાતો હોવાની આશંકા, ત્રણ યુવતીઓને મુક્ત કરાઈ

સાબરકાંઠા જિલ્લાના પ્રાંતિજ નજીક કાટવાડ પાટિયા પાસે આવેલ રાજ ગેસ્ટ હાઉસમાં AHTU (એન્ટી હ્યુમન ટ્રાફિકિંગ યુનિટ) ટીમે બાતમીના આધારે દરોડો પાડ્યો હતો. પોલીસ સૂત્રોના જણાવ્યા અનુસાર, આ ગેસ્ટ હાઉસમાં ગેરકાયદેસર રીતે દેહવ્યાપાર ચલાવવામાં આવતો હોવાની આશંકા હતી.

પોલીસની કાર્યવાહી દરમિયાન, સ્થળેથી ત્રણ યુવતીઓને સુરક્ષિત રીતે મુક્ત કરાવવામાં આવી છે. આ યુવતીઓની હાલત અને તેમની પાસેથી મળેલી માહિતીના આધારે પોલીસ વધુ તપાસ કરી રહી છે.

આ ગેસ્ટ હાઉસના સંચાલકો સામે કડક કાર્યવાહી કરવામાં આવી છે. પોલીસે એક સંચાલકની ધરપકડ કરી લીધી છે, જ્યારે અન્ય બે સંચાલકોને ઝડપી પાડવા માટે શોધખોળ શરૂ કરી છે. આ મામલે વધુ તપાસ હાથ ધરવામાં આવી રહી છે.