જામીન મળ્યા બાદ ભાવેશ ઝીલીયા પાસા હેઠળ ભુજ જેલ ભેગો

અમદાવાદ: વેપન કેસમાં કોર્ટમાંથી જામીન મળ્યા બાદ તરત જ આરોપી ભાવેશ ઝીલીયાને સરખેજ પોલીસે ફરી દબોચી લીધો હતો. ભાવેશ ઝીલીયા પર ફાયરિંગ અને હથિયાર પકડવાનો મુદ્દો છે. કોર્ટે જામીન આપ્યા બાદ સરખેજ પોલીસે તેની ધરપકડ કરી હતી.

પ્રાપ્ત માહિતી અનુસાર, વેપન કેસમાં પકડાયેલા ભાવેશ ઝીલીયાને કોર્ટે જામીન આપ્યા હતા. જોકે, આરોપી સામે પાસા વોરંટ અમલમાં હોવાથી સરખેજ પોલીસે જામીન મળ્યા બાદ તરત જ તેની ધરપકડ કરી હતી. રિમાન્ડ પૂરા થતાં આરોપીને કોર્ટ સમક્ષ રજૂ કરાયો હતો.

પાસા વોરંટના આધારે સરખેજ પોલીસે ભાવેશ ઝીલીયાની ધરપકડ કરી તેને ભુજ જેલ ખાતે મોકલી આપ્યો છે. આ કાર્યવાહીથી ગુનાહિત પ્રવૃત્તિઓમાં સામેલ અન્ય આરોપીઓમાં પણ ફફડાટ ફેલાયો છે.