શિનોર તાલુકાના માલસર ગામે ભાજપ મંડળ દ્વારા ટિફિન બેઠક યોજાઇ

શિનોર તાલુકાના માલસર ગામે ભારતીય જનતા પાર્ટી (ભાજપ) મંડળ દ્વારા એક ટિફિન બેઠકનું આયોજન કરવામાં આવ્યું હતું. આ બેઠકમાં જિલ્લા ભાજપના મહામંત્રી શ્રી અને ઝોન પ્રભારી મંત્રી શ્રી યોગેશ ભાઇ અધ્યારૂ, તેમજ વડોદરા જિલ્લાના ઉપપ્રમુખ શ્રી મહેશભાઈ (દાઝી) ઉપસ્થિત રહ્યા હતા.

આયોજિત ટિફિન બેઠકમાં મંડળ પ્રમુખ શ્રી સંકેત ભાઇ પટેલ, મહામંત્રી શ્રી ધર્મેશ ભાઇ પટેલ, હિતેશ ભાઈ ઠાકોર, અમિનભાઈ મેમણ, વિવિધ મોરચાના જિલ્લા અને તાલુકા ભાજપના પ્રમુખશ્રીઓ અને મહામંત્રીશ્રીઓ, તેમજ શક્તિ કેન્દ્રના ઈનચાર્જશ્રીઓ સહિત અનેક કાર્યકરો ઉપસ્થિત રહ્યા હતા.

બેઠક દરમિયાન, સંગઠનને લગતા વિવિધ મહત્વપૂર્ણ વિષયો પર વિસ્તૃત ચર્ચા કરવામાં આવી. આગામી કાર્યક્રમોના આયોજન અને તેને સફળતાપૂર્વક અમલમાં મૂકવા અંગે પણ ગહન વિચાર-વિમર્શ કરવામાં આવ્યો હતો.