બોરસદના જંત્રાલ ગામમાં રૂ. ૪૮ લાખના ખર્ચે રસ્તાનું ખાતમુહૂર્ત

આજરોજ બોરસદ તાલુકાના જંત્રાલ ગામ ખાતે રૂ. ૪૮ લાખના ખર્ચે માખણીયા ચકલા થી ખોડિયાર વિસ્તાર સુધીના કાચા નળિયા માર્ગને પાકા રોડમાં રૂપાંતરિત કરવાના વિકાસકાર્યનું ખાતમુહૂર્ત કરવામાં આવ્યું.

આ વિકાસકાર્ય પૂર્ણ થતાં હરસિદ્ધિ માતાજી મંદિરથી ખોડિયાર માતાજી મંદિર સુધીની અવરજવર વધુ સુગમ અને સુવિધાજનક બનશે. આ માર્ગના નિર્માણથી સ્થાનિક નાગરિકોને મોટી રાહત મળશે.

આ વિકાસકાર્યથી સ્થાનિક નાગરિકોમાં આનંદ અને ઉત્સાહની લાગણી જોવા મળી રહી છે. આ પ્રોજેક્ટ ગામના વિકાસમાં એક મહત્વપૂર્ણ પગલું સાબિત થશે.