અન્નપૂર્ણા ખોડલધામના નવા મંદિર મુદ્દે શિવરાજ પટેલે આપ્યું નિવેદન

રાજકોટ મહાનગરપાલિકા દ્વારા આયોજિત એક કાર્યક્રમમાં સાત મહાનુભાવોને મહાત્મા ગાંધી એવોર્ડથી સન્માનિત કરવામાં આવ્યા હતા. આ સન્માન મેળવનારાઓમાં ખોડલધામના ચેરમેન નરેશ પટેલનો પણ સમાવેશ થાય છે.

આ સન્માન સમારોહમાં નરેશ પટેલના પુત્ર શિવરાજ પટેલ પણ ઉપસ્થિત રહ્યા હતા. જ્યારે તેઓ એવોર્ડ સ્વીકારવા માટે પહોંચ્યા, ત્યારે તેમણે સુરતમાં અન્નપૂર્ણા ખોડલધામના નવા મંદિરના નિર્માણ અંગે પ્રતિક્રિયા આપી હતી.

શિવરાજ પટેલે જણાવ્યું કે, લેઉવા પટેલ સમાજને અલગ કરવાની કોઈપણ કોશિશ સફળ થશે નહીં. તેમણે ઉમેર્યું કે, પરિવારમાં પણ નાની-મોટી નોકજોક થતી રહે છે, પરંતુ તેનાથી સમાજને વિભાજીત કરી શકાય નહીં.