અમદાવાદમાં નવરાત્રી દરમિયાન ઓગણજ-ભાડજ સર્કલ સુધી ટ્રાફિક જામ

અમદાવાદ શહેરમાં નવરાત્રીનો માહોલ ગરબાના ગ્રાઉન્ડથી લઈને રસ્તાઓ સુધી છવાઈ ગયો છે. ખેલૈયાઓનો ઉત્સાહ ચરમસીમા પર છે, પરંતુ આ ઉત્સાહ વચ્ચે શહેરમાં ટ્રાફિકની સમસ્યા પણ જોવા મળી રહી છે.

ખાસ કરીને ઓગણજથી ભાડજ સર્કલ સુધીના માર્ગ પર વાહનોની લાંબી લાઈનો લાગી હતી. આ ટ્રાફિક જામના કારણે વાહનચાલકોને ભારે હાલાકીનો સામનો કરવો પડ્યો હતો અને વાહનોની ગતિ અત્યંત ધીમી પડી ગઈ હતી.

નવરાત્રી દરમિયાન શહેરમાં લોકોની અવરજવર વધી જાય છે, જેના કારણે ટ્રાફિક પર દબાણ વધે છે. તંત્ર દ્વારા આ પરિસ્થિતિને પહોંચી વળવા માટે યોગ્ય વ્યવસ્થા ગોઠવવાની જરૂરિયાત ઊભી થઈ છે.