હિંમતનગર પોલીસ હેડક્વાર્ટર ખાતે રણકાર નવરાત્રીનો ગૌરવપૂર્ણ શુભારંભ

હિંમતનગર પોલીસ હેડક્વાર્ટર ખાતે સાબરકાંઠા જિલ્લા પોલીસ અધિક્ષકશ્રી ડૉ. પાર્થરાજસિંહ ગોહિલ (IPS) તથા અન્ય પોલીસ અધિકારીઓની ગૌરવપૂર્ણ ઉપસ્થિતિમાં રણકાર નવરાત્રીનો ઉત્સાહભેર શુભારંભ કરવામાં આવ્યો.

આ પ્રસંગે માતાજીની આરાધના, ગરબાના તાલ અને ઉત્સવના ઉમંગ સાથે પોલીસ પરિવાર એકતાના રંગે રંગાયો હતો. આ આયોજનનો મુખ્ય ઉદ્દેશ્ય પોલીસ પરિવાર વચ્ચે સૌહાર્દ, સંસ્કૃતિ અને એકતાની ભાવનાને વધુ મજબૂત બનાવવાનો છે.

"ફરજની સાથે પરિવારનો સંગાથ, ભક્તિના રંગે નવરાત્રીની ઉજવણી ખાસ!" - આ સૂત્ર સાથે આ નવરાત્રી મહોત્સવ પોલીસકર્મીઓ અને તેમના પરિવારો માટે આનંદ અને ઉત્સાહનો માહોલ લઈને આવ્યો છે.