ભરૂચ નગરપાલિકાની સામાન્ય સભાના વિવાદમાં નવો વળાંક: ૨૯ ઓક્ટોબરે સુનાવણી

ભરૂચ નગરપાલિકાની સામાન્ય સભામાં થયેલા વિવાદને લઈને હવે રાજકીય વર્તુળોમાં ચર્ચા તેજ બની છે. કોંગ્રેસના સભ્ય જિજ્ઞેશ બ્રહ્મભટ્ટે ગુજરાત મ્યુનિસિપાલિટી અધિનિયમની કલમ ૨૫૮(૧) હેઠળ ફરિયાદ નોંધાવી છે. આ ફરિયાદના પગલે, આગામી ૨૯ ઓક્ટોબરે સુનાવણી યોજાશે.

આ સુનાવણીમાં ભરૂચ નગરપાલિકાના પ્રમુખ, ચીફ ઓફિસર અને તમામ ચૂંટાયેલા સભ્યોને હાજર રહેવા માટે નોટિસ જારી કરવામાં આવી છે. આ નોટિસથી નગરપાલિકાના વહીવટી અને રાજકીય વર્તુળોમાં ખળભળાટ મચી ગયો છે.

૨૯ ઓક્ટોબરના રોજ યોજાનારી સુનાવણી અને તે દરમિયાન કમિશનર દ્વારા લેવાનાર નિર્ણય પર સૌની નજર રહેશે. આ સમગ્ર મામલો આગામી દિવસોમાં કયું વળાંક લેશે તે જોવું રસપ્રદ રહેશે.