સુરતમાં શ્રી માધવ ગૌશાળા દ્વારા ઉધના વિસ્તારમાં ભવ્ય ગરબાનું આયોજન

સુરતના ઉધના વિસ્તારમાં શ્રી માધવ ગૌશાળા અને ત્રિપાલ કલબના સંયુક્ત ઉપક્રમે ગરબાનું ભવ્ય આયોજન કરવામાં આવ્યું હતું. આ કાર્યક્રમમાં મોટી સંખ્યામાં લોકો ઉમટી પડ્યા હતા અને ઉત્સાહભેર ભાગ લીધો હતો.

આ ગરબા આયોજનની વિશેષતા એ હતી કે તેમાં ભગવાન શ્રીકૃષ્ણના બાળ સ્વરૂપની ઝલક જોવા મળી હતી. બાળ કલાકારોએ કૃષ્ણ સ્વરૂપે મનમોહક પ્રસ્તુતિ કરી સૌનું ધ્યાન ખેંચ્યું હતું. આ દ્રશ્યોએ કાર્યક્રમમાં એક અનોખો અને પવિત્ર માહોલ સર્જ્યો હતો.

શ્રી માધવ ગૌશાળા અને ત્રિપલ કલબ દ્વારા આ પ્રકારના સાંસ્કૃતિક અને ધાર્મિક કાર્યક્રમોનું આયોજન નિયમિતપણે કરવામાં આવે છે, જે સમાજમાં એકતા અને ઉત્સાહ જાળવવામાં મદદરૂપ થાય છે. આ ગરબા કાર્યક્રમ પણ તે દિશામાં એક સફળ પ્રયાસ રહ્યો.