ଭୋଟ୍ ଗ୍ରହଣ ଚାଲିଥିବା ବେଳେ ନିର୍ବାଚନ ଦାୟିତ୍ୱରୁ ହଟିଲେ ଅଧ୍ୟାପିକା

ଛାତ୍ର ସଂସଦ ନିର୍ବାଚନ ପାଇଁ ଭୋଟ୍ ଗ୍ରହଣ ବେଳେ ନିର୍ବାଚନ ଦାୟିତ୍ୱରୁ ଜଣେ ଅଧ୍ୟାପିକାଙ୍କୁ ହଟାଇ ଦିଆଯାଇଛି। ଘଟଣାଟି ଦେଖିବାକୁ ମିଳିଛି ଜଗତସିଂହପୁର ଜିଲ୍ଲା ବାଲିକୁଦା କଲେଜରେ। ଏହି ଅଧ୍ୟାପିକାଙ୍କ ନାଁ ଦୁର୍ଗେଶ ନନ୍ଦିନୀ ସ୍ୱାଇଁ।
ସେ ଏକ ନିର୍ଦ୍ଦିଷ୍ଟ ଦଳର ପ୍ରାର୍ଥୀଙ୍କୁ ସମର୍ଥନ କରୁଥିବା ନେଇ ଅଭିଯୋଗ ହୋଇଥିଲା। ଏହାକୁ ନେଇ କଲେଜରେ ଉତ୍ତେଜନା ଦେଖିବାକୁ ମିଳିଥିଲା। ଏହା ପରେ ତାଙ୍କୁ ନିର୍ବାଚନ ଅଧାରୁ ଦାୟିତ୍ୱରୁ ଅନ୍ତର କରିଥିଲେ କର୍ତ୍ତୃପକ୍ଷ।
ପୁଲିସ ସହାୟତାରେ ଅଧ୍ୟାପିକା ଦୁର୍ଗେଶ ନନ୍ଦିନୀ ସ୍ୱାଇଁଙ୍କୁ କଲେଜ ପରିସରରୁ ବାହାରକୁ ନିଆଯାଇଥିଲା। ତେବେ ତାଙ୍କ ବିରୋଧରେ ଆସିଥିବା ଅଭିଯୋଗକୁ ସେ ଖଣ୍ଡନ କରିଛନ୍ତି।