ભરૂચમાં નર્મદા મૈયા બ્રિજ પાસે રિક્ષા અકસ્માત: અનેક મુસાફરો ઘાયલ

ભરૂચ શહેર નજીક આવેલા નર્મદા મૈયા બ્રિજ પાસે એક ગંભીર માર્ગ અકસ્માત સર્જાયો હતો. પ્રાપ્ત માહિતી અનુસાર, રિક્ષાનું આગળનું ટાયરનું એક્સેલ અચાનક તૂટી જતાં વાહન ચાલકનો કાબૂ ગુમાવ્યો હતો અને અકસ્માત સર્જાયો હતો.

આ અકસ્માતમાં રિક્ષામાં સવાર કેટલાક મુસાફરોને ઇજા પહોંચી હોવાનું સામે આવ્યું છે. અકસ્માતના પગલે સ્થાનિક લોકો અને રાહદારીઓ ઘટના સ્થળે દોડી આવ્યા હતા અને ઇજાગ્રસ્તોને મદદ કરવાનો પ્રયાસ કર્યો હતો.

અકસ્માત બાદ રિક્ષાને નુકસાન થયું હતું અને ટ્રાફિકને પણ થોડી વાર માટે અસર થઈ હતી. ઇજાગ્રસ્તોને સારવાર માટે નજીકની હોસ્પિટલમાં ખસેડવામાં આવ્યા હતા.