મોટા દેવળીયા ગામે માથાકૂટ બાદ ધમકી આપવાનો ગુનો નોંધાયો

બાબરા તાલુકાના મોટા દેવળીયા ગામે માથાકૂટના મનદુઃખમાં ધમકી આપવાનો કિસ્સો સામે આવ્યો છે. આ બનાવ અંગે બાબરા પોલીસ સ્ટેશનમાં ફરિયાદ નોંધવામાં આવી છે.

રમેશભાઈ ડાણાભાઈ બગડા (ઉં.વ. 45) દ્વારા નોંધાવવામાં આવેલી ફરિયાદ મુજબ, તેમના દીકરા સાહિલભાઈ રમેશભાઈ બગડાને સંજયભાઈ રાઘવભાઈ કોયરા સાથે માથાકૂટ થઈ હતી. આ બાબતનું મનદુઃખ રાખીને સંજયભાઈ રાઘવભાઈ કોયરા, અલ્તાફભાઈ રાઘવભાઈ કોયરા, દુપીબેન રાઘવભાઈ કોયરા, વિપુલભાઈ કાનાભાઈ કોયરા તથા મહેશભાઈ કાનાભાઈ કોયરાએ મળીને સાહિલભાઈને અવારનવાર અલગ-અલગ સમયે ગાળો આપી હતી.

આરોપીઓએ સાહિલભાઈને જાનથી મારી નાખવાની ધમકી પણ આપી હોવાનું ફરિયાદમાં જણાવાયું છે. આ સમગ્ર બનાવ અંગે બાબરા પોલીસ સ્ટેશનના હેડ કોન્સ્ટેબલ વી. આર. ડાભી વધુ તપાસ ચલાવી રહ્યા છે.