જામનગર સ્પોર્ટ્સ કોમ્પ્લેક્સના બાંધકામ સાઇટ પર રોલરમાં આગ લાગી

જામનગર શહેરમાં સમર્પણ સર્કલ નજીક વિશાલ હોટલ પાછળ જામનગર મહાનગરપાલિકા દ્વારા નિર્માણાધીન સ્પોર્ટ્સ કોમ્પ્લેક્સના સ્થળે બાંધકામ દરમિયાન ઉપયોગમાં લેવાતા એક રોલરમાં અચાનક આગ લાગી હતી.

આગની ઘટનાની જાણ થતાં જ ફાયર વિભાગની ટીમ તાત્કાલિક ઘટના સ્થળે દોડી આવી હતી. ફાયર વિભાગના જવાનોએ સક્રિયતા દાખવી તાત્કાલિક આગ બુઝાવવાની કામગીરી હાથ ધરી હતી.

ફાયર વિભાગની સમયસર અને કુશળ કામગીરીને કારણે આગને સંપૂર્ણપણે કાબૂમાં લઈ લેવામાં આવી હતી. સદનસીબે, આ ઘટનામાં કોઈ જાનહાનિ થઈ ન હતી.