મેરઠ: બ્લૂ ડ્રમ મર્ડર કેસમાં બે આરોપીઓને ફાંસીની સજા

મેરઠના ચકચારી 'બ્લૂ ડ્રમ મર્ડર કેસ' માં જિલ્લા અને સેશન્સ કોર્ટે મુસ્કાન રસ્તોગી અને સાહિલ શુક્લાને હત્યા તથા પુરાવાનો નાશ કરવા બદલ ફાંસીની સજા ફટકારી છે. આ નિર્ણયથી સમગ્ર વિસ્તારમાં ચકચાર મચી જવા પામી છે.

ન્યાયાધીશ અરવિંદ કુમાર મિશ્રાએ સજા સંભળાવતી વખતે મહાભારતનો ઉલ્લેખ કર્યો હતો. તેમણે જણાવ્યું હતું કે અપરાધીને યોગ્ય દંડ આપવો એ ન્યાયતંત્ર અને શાસકનો સર્વોચ્ચ ધર્મ છે. આ સંદર્ભમાં, મહાભારતમાં ધર્મનો અર્થ માત્ર પૂજા-પાઠ કે કર્મકાંડ પૂરતો સીમિત નથી, પરંતુ સમાજમાં અન્યાય સામે સાચો દંડ આપવો એ પણ એક 'ધર્મ' (ફરજ) છે.

કોર્ટે આરોપીઓને હત્યા અને પુરાવાનો નાશ કરવાના ગંભીર ગુનાઓ બદલ દોષિત ઠેરવ્યા હતા. આ કેસમાં બંને આરોપીઓને કડકમાં કડક સજા થાય તેવી માંગણી સ્થાનિક લોકો દ્વારા કરવામાં આવી રહી હતી.