નવરાત્રી દરમિયાન કડી પંથકમાં વીજળી કાપ: જનજીવન અસ્તવ્યસ્ત, નાગરિકો ત્રાહિમામ

કડી તેમજ તેની આજુબાજુના વિસ્તારોમાં છેલ્લા કેટલાક દિવસોથી રોજ સાંજના સમયે વારંવાર 15‌ મીનીટ માટે વીજળી ગુલ થવાની ઘટનાઓ બની રહી છે.લોકો ને જમવાનું બનાવવા અને જમવા નાં સમયે વારંવાર થતી લાઈટ વિક્ષેપ આ વીજળી કાપને કારણે સ્થાનિક લોકો ને ખુબ મુશ્કેલી નો સામનો કરવો પડે છે, ખાસ કરીને જ્યારે પવિત્ર નવરાત્રીનો પર્વ ચાલી રહ્યો છે ત્યારે આ સમસ્યા વધુ વકરી છે.

નવરાત્રીના તહેવાર દરમિયાન સાંજે અને રાત્રિના સમયે લોકો પૂજા-અર્ચના, ગરબા અને અન્ય સામાજિક પ્રવૃત્તિઓમાં વ્યસ્ત હોય છે. આવા સમયે વારંવાર વીજળી ગુલ થવાથી તેમની દૈનિક પ્રવૃત્તિઓમાં વિક્ષેપ પડી રહ્યો છે. વીજળીના અભાવે ઘરોમાં અંધારપટ છવાઈ જાય છે, જેના કારણે બાળકો અને વૃદ્ધોને વધુ તકલીફ પડે છે.