હિંમતનગરમાં નવરાત્રી દરમિયાન ખેલૈયાઓ માટે નિઃશુલ્ક મેડિકલ અને વેલનેસ કેમ્પનું આયોજન

હિંમતનગર શહેરમાં ‘મધરાત નવરાત્રી 2026’ના ઉત્સાહ વચ્ચે ખેલૈયાઓની સુખાકારી અને સ્વાસ્થ્યને ધ્યાનમાં રાખીને એક અનોખો પહેલ કરવામાં આવી. સ્વાગત ગ્રુપ અને રુદ્ર ફિઝિયોથેરાપી ક્લિનિકના સંયુક્ત ઉપક્રમે નિઃશુલ્ક મેડિકલ અને વેલનેસ કેમ્પનું આયોજન કરવામાં આવ્યું હતું.

આ મેડિકલ કેમ્પમાં ડૉ. ધર્મરાજ સોની અને તેમની નિષ્ણાત ટીમે ખેલૈયાઓને ફિઝિયોથેરાપી સંબંધિત માર્ગદર્શન અને પ્રાથમિક સારવારની સુવિધા પૂરી પાડી હતી. ગરબા રમતી વખતે થતી સામાન્ય ઈજાઓ અને થાકને પહોંચી વળવા માટે આ સેવા અત્યંત ઉપયોગી સાબિત થઈ.

આયોજકો દ્વારા કરવામાં આવેલી આ પહેલને ખેલૈયાઓ તરફથી સારો પ્રતિસાદ મળ્યો. અનેક ખેલૈયાઓએ આ નિઃશુલ્ક મેડિકલ અને વેલનેસ સુવિધાનો લાભ લઈને પોતાની સુખાકારી સુનિશ્ચિત કરી.