હિંમતનગરમાં જાહેરમાં બે જંગલી આખલાઓ વચ્ચે યુદ્ધ: એક્ટિવાને નુકસાન થતા અટક્યું,લોકોમાં ભય..

સાબરકાંઠાના-:
હિંમતનગર શહેરના છાપરીયા વિસ્તારમાં આજે બે જંગલી આખલાઓ વચ્ચે જાહેરમાં યુદ્ધ ફાટી નીકળ્યું હતું.આખલાઓના આ ભયાનક યુદ્ધને કારણે આસપાસના વિસ્તારમાં અફરાતફરીનો માહોલ સર્જાયો હતો અને લોકોમાં ભય વ્યાપી ગયો હતો.પ્રત્યક્ષદર્શીઓના જણાવ્યા અનુસાર બંને આખલાઓ એકબીજા પર હુમલા કરી રહ્યા હતા અને રસ્તા પર દોડી રહ્યા હતા.

આ દરમિયાન એક એક્ટિવા ચાલક ત્યાંથી પસાર થઈ રહ્યો હતો.સદનસીબે તે આખલાઓની ટક્કરથી માંડ-માંડ બચી ગયો હતો.જો કે આ ઘટનામાં તેની એક્ટિવાને નુકસાન થતા અટકેલ.આખલાઓના આ યુદ્ધને કારણે વાહનચાલકો અને રાહદારીઓએ ભારે મુશ્કેલીનો સામનો કરવો પડ્યો હતો.સ્થાનિક લોકોએ તાત્કાલિક આખલાઓને ત્યાંથી હટાવવાની વ્યવસ્થા કરી હતી, જેના કારણે મોટી દુર્ઘટના ટળી હતી.આ ઘટનાએ શહેરી વિસ્તારોમાં જંગલી પ્રાણીઓના ભય સામે ફરી એકવાર ચિંતા જગાવી છે.