వేల్పూరు అంగన్వాడీ కేంద్రాల్లో అసిస్టెంట్ డైరెక్టర్ బోళ్ల సుజాత రాణి ఆకస్మిక తనిఖీ

తణుకు ICDS ప్రాజెక్టు పరిధిలో ఉన్న వేల్పూరు అంగన్వాడీ కేంద్రాలను ICDS అసిస్టెంట్ డైరెక్టర్ బోళ్ల సుజాత రాణి ఆకస్మికంగా సందర్శించి తనిఖీ చేశారు. ఈ సందర్భంగా ఆమె అంగన్వాడీ కేంద్రాల్లోని పిల్లల హాజరు శాతం, వారికి అందిస్తున్న విద్యాబోధన, రికార్డుల నిర్వహణ తీరును క్షుణ్ణంగా పరిశీలించారు.

అంగన్వాడీ కేంద్రాల్లో నమోదైన పిల్లలందరూ క్రమం తప్పకుండా కేంద్రాలకు వచ్చేలా చూడాలని సిబ్బందికి ఆమె స్పష్టమైన ఆదేశాలు జారీ చేశారు. పిల్లల హాజరును మెరుగుపరచడంపై ప్రత్యేక దృష్టి సారించాలని సూచించారు.

చిన్నారులకు అంగన్వాడీ కేంద్రాల ద్వారా అందుతున్న వివిధ సేవల వివరాలను అసిస్టెంట్ డైరెక్టర్ అడిగి తెలుసుకున్నారు. నాణ్యమైన సేవలు అందించాలని సిబ్బందికి సూచించారు.