કંથારપુરામાં આરએસએસ દ્વારા શતાબ્દી મહોત્સવ નિમિત્તે શસ્ત્ર પૂજન કાર્યક્રમ યોજાયો

નર્મદા જિલ્લાના તિલકવાડા તાલુકાના કંથારપુરા ગામ ખાતે રાષ્ટ્રીય સ્વયંસેવક સંઘ (RSS)ના શતાબ્દી મહોત્સવ નિમિત્તે એક ભવ્ય શસ્ત્ર પૂજન કાર્યક્રમનું આયોજન કરવામાં આવ્યું હતું.

આ કાર્યક્રમની શરૂઆત માતાજીની આરતી અને સ્તુતિ સાથે કરવામાં આવી હતી. ત્યારબાદ, ઉપસ્થિત સૌ સ્વયંસેવકો અને ગ્રામજનોએ 'યા દેવી સર્વભૂતેષુ શક્તિ રૂપેણ સંસ્થિતા' મંત્રના જાપ સાથે ભક્તિભાવપૂર્વક શસ્ત્ર પૂજન કર્યું હતું. આ ધાર્મિક વિધિમાં બાળકોથી લઈને વડીલો સુધી સૌ કોઈ જોડાયા હતા.

આ પ્રસંગે શસ્ત્રોનું પૂજન ધાર્મિક શ્રદ્ધા અને પરંપરાના સંગમ સમાન હતું. ઉપસ્થિત સૌએ આ કાર્યક્રમમાં ખૂબ જ ઉત્સાહપૂર્વક ભાગ લીધો હતો અને તેને સફળ બનાવ્યો હતો.