Politics
હિંમતનગર: મહિલા મોરચા દ્વારા કોંગ્રેસ કાર્યાલય સામે યૌન શોષણના આરોપો મુદ્દે વિરોધ પ્રદર્શન
હિંમતનગરના મોતીપુરા સ્થિત જિલ્લા કોંગ્રેસ કાર્યાલય સામે ભારતીય જનતા પાર્ટી (BJP) મહિલા મોરચા દ્વારા એક સાંસદ પર થયેલા ગંભીર યૌન શોષણના આરોપોને પગલે આક્રમક વિરોધ પ્રદર્શન કરવામાં આવ્યું.
હિંમતનગરના મોતીપુરા ખાતે આવેલા સાબરકાંઠા જિલ્લા કોંગ્રેસ કાર્યાલય સામે આજે ભારતીય જનતા પાર્ટી (BJP) મહિલા મોરચા દ્વારા જોરદાર વિરોધ પ્રદર્શન યોજવામાં આવ્યું હતું. આ વિરોધ પ્રદર્શન મણિપુરના કોંગ્રેસ સાંસદ અને JNUના પૂર્વ પ્રોફેસર અંગોમ બીમોલ પર લાગેલા યૌન શોષણના ગંભીર આરોપોના સંદર્ભમાં કરવામાં આવ્યું હતું.
BJP મહિલા મોરચાએ કોંગ્રેસ હાઇકમાન્ડ પર આકરા પ્રહારો કર્યા હતા. આરોપ મૂકવામાં આવ્યો હતો કે, JNUની તપાસ સમિતિ દ્વારા પ્રોફેસર અંગોમ બીમોલને યૌન શોષણના આરોપોમાં દોષિત ઠેરવવામાં આવ્યા બાદ તેમનું રાજીનામું લેવાઈ ચૂક્યું છે. તેમ છતાં, કોંગ્રેસ પક્ષ દ્વારા તેમને સાંસદ પદેથી દૂર કરવા કે પક્ષમાંથી હાંકી કાઢવા માટે કોઈ નક્કર પગલાં ભરવામાં આવ્યા નથી.
ભાજપે આક્ષેપ કર્યો હતો કે, કોંગ્રેસ એક તરફ મહિલા સશક્તિકરણની મોટી-મોટી વાતો કરે છે, પરંતુ બીજી તરફ યૌન શોષણના આરોપી સાંસદને પક્ષમાં જાળવી રાખી પોતાની બેવડી નીતિ સ્પષ્ટપણે છતી કરી રહી છે. આ મુદ્દે BJP મહિલા મોરચાના કાર્યકરોએ ભારે સૂત્રોચ્ચાર કરી કોંગ્રેસની નીતિઓ સામે રોષ વ્યક્ત કર્યો હતો.
BJP મહિલા મોરચાએ કોંગ્રેસ હાઇકમાન્ડ પર આકરા પ્રહારો કર્યા હતા. આરોપ મૂકવામાં આવ્યો હતો કે, JNUની તપાસ સમિતિ દ્વારા પ્રોફેસર અંગોમ બીમોલને યૌન શોષણના આરોપોમાં દોષિત ઠેરવવામાં આવ્યા બાદ તેમનું રાજીનામું લેવાઈ ચૂક્યું છે. તેમ છતાં, કોંગ્રેસ પક્ષ દ્વારા તેમને સાંસદ પદેથી દૂર કરવા કે પક્ષમાંથી હાંકી કાઢવા માટે કોઈ નક્કર પગલાં ભરવામાં આવ્યા નથી.
ભાજપે આક્ષેપ કર્યો હતો કે, કોંગ્રેસ એક તરફ મહિલા સશક્તિકરણની મોટી-મોટી વાતો કરે છે, પરંતુ બીજી તરફ યૌન શોષણના આરોપી સાંસદને પક્ષમાં જાળવી રાખી પોતાની બેવડી નીતિ સ્પષ્ટપણે છતી કરી રહી છે. આ મુદ્દે BJP મહિલા મોરચાના કાર્યકરોએ ભારે સૂત્રોચ્ચાર કરી કોંગ્રેસની નીતિઓ સામે રોષ વ્યક્ત કર્યો હતો.