ખેડબ્રહ્માના શ્યામનગર ગામે માણેકનાથ મંદિરમાં રામાપીરનો પાઠ યોજાયો

ખેડબ્રહ્મા તાલુકાના શ્યામનગર ગામ ખાતે આવેલા સુપ્રસિદ્ધ માણેકનાથ મંદિરમાં રામાપીરના પાઠનું ભવ્ય આયોજન કરવામાં આવ્યું હતું. આ ધાર્મિક પ્રસંગે મોટી સંખ્યામાં સ્થાનિક ભક્તો અને આસપાસના વિસ્તારોમાંથી આવેલા શ્રદ્ધાળુઓએ ભાગ લીધો હતો.

માણેકનાથ મંદિરના મહંત શામળ ગીરી મહારાજ બાપુના અધ્યક્ષસ્થાને યોજાયેલા આ પાઠ કાર્યક્રમમાં ધાર્મિક વિધિઓ સંપન્ન કરવામાં આવી હતી. ભક્તોએ શ્રદ્ધાપૂર્વક ભાગ લઈને ધન્યતા અનુભવી હતી.

આ ધાર્મિક આયોજનને લઈને ગામમાં ઉત્સાહનો માહોલ જોવા મળ્યો હતો. સ્થાનિક લોકોએ આ કાર્યક્રમની સફળતા માટે સહયોગ આપ્યો હતો.