પીંથળ ગામમાં દૂધ લેવા ગયેલા યુવક પર ચોરીથી હુમલો, પિતા પણ ઘાયલ

જોડિયા તાલુકાના પીંથળ ગામમાં દૂધ લેવા ગયેલા યુવક સાથે ગાળાગાળી કરી લાકડાના ધોકાથી હુમલો કર્યાની ફરિયાદ નોંધાઈ છે. બનાવ તા.10 ઓક્ટોબરની સાંજે પીપળા ચોક પાસે બન્યો હતો. ફરિયાદ મુજબ, ગામના ભરતભાઈ મેંદપરાએ ફરિયાદીનો પુત્ર આફિદને ગાળો આપી જાનથી મારી નાખવાની ધમકી આપી હતી અને ધોકાથી તેના પીઠના ભાગે માર માર્યો હતો. પુત્રને બચાવવા વચ્ચે પડેલા પિતાને પણ જમણા હાથમાં ઈજા થઈ હતી. આ બનાવ અંગે ફરિયાદી આમીનભાઇ ઉર્ફે વલો આલમભાઇ કટીયા ફરિયાદ નોંધાવતાં જોડિયા પોલીસે ભરતભાઇ અવચરભાઇ મેંદપરા વિરુદ્ધ ભારતીય ન્યાય સંહિતા તથા જી.પી. એક્ટ હેઠળ ગુનો નોંધી વધુ તપાસ હાથ ધરવામાં આવી છે.