માંડવીમાં આદ્યશક્તિ અંબેમાના નવરાત્રી મહોત્સવનો ભવ્ય પ્રારંભ: ધારાસભ્ય અને પ્રદેશ મહામંત્રી રહ્યા ઉપસ્થિત

માંડવી શહેરમાં આદ્યશક્તિ માતાજી અંબેમાના નવરાત્રી મહોત્સવનો ભવ્ય પ્રારંભ કરવામાં આવ્યો છે. માંડવી 157 વિધાનસભાના ધારાસભ્ય શ્રી કુંવરજીભાઈ હળપતિના માર્ગદર્શન હેઠળ માંડવી હાઈસ્કૂલના ગ્રાઉન્ડ પર સનાતન હિંદુ શક્તિ સમિતિ દ્વારા આ મહોત્સવનું આયોજન કરવામાં આવ્યું છે.

આ શુભ પ્રસંગે ગુજરાત પ્રદેશ ભાજપ મહામંત્રી શ્રી રત્નાકરજી મુખ્ય અતિથિ તરીકે ઉપસ્થિત રહ્યા હતા. તેમણે દીપ પ્રાગટ્ય કરી અને માતાજીની આરતી ઉતારી નવરાત્રી મહોત્સવનો શુભારંભ કરાવ્યો હતો. તેમના આગમનથી કાર્યક્રમની શોભા વધી હતી.

આ આયોજનમાં સ્થાનિક આગેવાનો, કાર્યકરો અને મોટી સંખ્યામાં ભાવિક ભક્તો ઉપસ્થિત રહ્યા હતા. નવરાત્રીના આ પાવન પર્વ નિમિત્તે માંડવી શહેરમાં ઉત્સાહનો માહોલ જોવા મળી રહ્યો છે.