తణుకు నియోజకవర్గంలో అభివృద్ధి పనులకు కేంద్ర మంత్రి శ్రీనివాస వర్మ శ్రీకారం

తణుకు నియోజకవర్గంలో ఎమ్మెల్యే ఆరిమిల్లి రాధాకృష్ణ నాయకత్వంలో పెద్ద ఎత్తున అభివృద్ధి కార్యక్రమాలు చేపడుతున్నామని కేంద్ర మంత్రి భూపతిరాజు శ్రీనివాస వర్మ పేర్కొన్నారు. సోమవారం అత్తిలిలో పలు అభివృద్ధి పనులకు శంకుస్థాపనలు, రహదారుల ప్రారంభోత్సవాల్లో ఆయన మాట్లాడారు.

కూటమి అధికారంలోకి వచ్చిన తర్వాత కేంద్ర, రాష్ట్ర ప్రభుత్వాల సమన్వయంతో అభివృద్ధిని వేగవంతం చేశామని శ్రీనివాస వర్మ తెలిపారు. నియోజకవర్గంలో చేపడుతున్న అభివృద్ధి పనుల ద్వారా ప్రజలకు మెరుగైన సౌకర్యాలు అందుతాయని ఆయన ఆశాభావం వ్యక్తం చేశారు.

ఈ సందర్భంగా స్థానిక నాయకులు, అధికారులు పాల్గొన్నారు. అభివృద్ధి పనుల ప్రారంభోత్సవాలు నియోజకవర్గ ప్రజలకు ఎంతో ప్రయోజనకరంగా ఉంటాయని వారు పేర్కొన్నారు.