ધાનપુર તાલુકામાં વિકાસકાર્યોમાં કથિત ભ્રષ્ટાચાર: તાલુકા પ્રમુખે તપાસની કરી માગ

ધાનપુર તાલુકામાં વિકાસકાર્યોના નામે મોટા પાયે ભ્રષ્ટાચાર આચરવામાં આવ્યો હોવાના ગંભીર આક્ષેપો બાદ હવે તાલુકા પ્રમુખ આ મુદ્દે મેદાનમાં આવ્યા છે. તાલુકાના તમામ ગામોમાં થયેલા વિકાસકાર્યોની પારદર્શક અને વિસ્તૃત તપાસ કરવાની માગણી તેમણે ઉઠાવી છે.

પ્રાપ્ત માહિતી અનુસાર, છેલ્લા કેટલાક સમયથી તાલુકાના વિવિધ ગામોમાં થયેલા વિકાસકામોની ગુણવત્તા અને ખર્ચ અંગે અનેક ફરિયાદો સ્થાનિક સ્તરે ઉઠી રહી હતી. આ ફરિયાદોને પગલે તાલુકા પ્રમુખે આ મામલાની ગંભીરતાને ધ્યાનમાં લીધી છે અને સંબંધિત અધિકારીઓને તાત્કાલિક ધોરણે તપાસ શરૂ કરવા જણાવ્યું છે.

તાલુકા પ્રમુખે જણાવ્યું છે કે, જો તપાસ દરમિયાન કોઈપણ પ્રકારની ગેરરીતિ કે ભ્રષ્ટાચાર જણાય આવશે તો જવાબદાર વ્યક્તિઓ સામે કડક કાયદેસરની કાર્યવાહી કરવામાં આવશે. આ તપાસનો મુખ્ય ઉદ્દેશ્ય વિકાસકાર્યોમાં પારદર્શિતા લાવવાનો અને સરકારી નાણાનો દુરુપયોગ અટકાવવાનો છે.