જામનગરમાં જિયો-બીપીના પેટ્રોલ-ડીઝલના ભાવમાં વધારો

મનગરમાં પેટ્રોલ-ડીઝલના ભાવને લઈને મહત્વના સમાચાર સામે આવ્યા છે. નાયરા એનર્જી બાદ હવે જિયો-બીપી દ્વારા પણ પેટ્રોલ અને ડીઝલના ભાવમાં વધારો કરવામાં આવ્યો હોવાની માહિતી મળી રહી છે.
મળતી માહિતી મુજબ, જિયો-બીપીના પેટ્રોલના ભાવમાં પ્રતિ લિટર રૂ. 5નો અને ડીઝલના ભાવમાં પ્રતિ લિટર રૂ. 3નો વધારો કરવામાં આવ્યો છે. જોકે, આ ભાવવધારો માત્ર જિયો-બીપી દ્વારા જ કરવામાં આવ્યો હોવાનો દાવો છે. અન્ય પેટ્રોલિયમ કંપનીઓના પેટ્રોલ-ડીઝલના ભાવમાં કોઈ વધારો થયો ન હોવાનું જણાવવામાં આવી રહ્યું છે.
આ ભાવવધારાને પગલે જિયો-બીપીના પેટ્રોલ પંપ પરથી ઇંધણ ભરાવતા વાહનચાલકોના ખર્ચમાં વધારો થશે. ખાસ કરીને રોજિંદા વાહનવ્યવહાર અને ડીઝલ પર આધારિત વ્યવસાય કરતા લોકો પર તેની અસર પડી શકે છે.