જામનગરમાં દારૂ ઝડપાયો: સિદ્ધનાથ વિસ્તારમાંથી એક શખ્સ ઝડપાયો, બીજો ફરાર

જામનગરના સીટી-સી ડિવિઝન પોલીસ સ્ટેશન વિસ્તારમાં દારૂ અંગે બે અલગ-અલગ ગુના નોંધાયા છે. પ્રથમ બનાવમાં, ખોડિયાર પોલીસ ચોકી બીટમાં એમ્યુઝમેન્ટ પાર્ક પાસે કૃષ્ણાનગર શેરી નં. 3માં યુવરાજસિંહ અનોપસિંહ ભટ્ટીના રહેણાક મકાનમાંથી ભારતીય બનાવટના વિદેશી દારૂના 30 ચપલાં, કિંમત રૂ. 6,000નો જથ્થો મળી આવ્યો હતો. જોકે, દરોડા દરમિયાન આરોપી હાજર ન મળતાં તેને ફરાર દર્શાવવામાં આવ્યો છે. બીજા બનાવમાં, દિગ્મામ સર્કલ પાસે આરવ હાઇટ્સ નજીક જાહેર માર્ગ પરથી સુભાષ માર્કેટ પાછળ ભોયવાડામાં રહેતા ૩૬ વર્ષીય જીમ ટ્રેનર જયદીપ પ્રભુલાલ ચુડાસમાને વિદેશી દારૂની 2 બોટલ સાથે ઝડપી લેવામાં આવ્યો હતો. પોલીસે તેની પાસેથી દારૂ કિંમત રૂ. 5.969 તથા મોટરસાઇકલ અને મોબાઇલ ફોન સહિત કુલ રૂ.40.969 નો મુદ્દામાલ કબજે કર્યો છે. પોલીસે બંને બનાવોમાં પ્રોહિબિશન એક્ટ હેઠળ કાયદેસરની કાર્યવાહી હાથ ધરી છે.