બનાસકાંઠા પોલીસ દ્વારા વૃદ્ધાશ્રમના વડીલો માટે નવરાત્રિ મહોત્સવનું આયોજન..

બનાસકાંઠામાં-:
નવરાત્રિના પ્રથમ નોરતે પોલીસ પરિવાર દ્વારા એક અનોખી અને માનવતાભરી પહેલ કરવામાં આવી.પોલીસ પરિવાર દ્વારા આયોજિત નવરાત્રિ મહોત્સવમાં શહેરના વૃદ્ધાશ્રમમાં રહેતા વડીલોને ખાસ આમંત્રણ આપી ગરબાની રમઝટ નિહાળવા લઈ જવામાં આવ્યા હતા.આ કાર્યક્રમનો મુખ્ય ઉદ્દેશ્ય સમાજના વડીલોને એકલતામાંથી બહાર લાવી તેમને ઉત્સવની ખુશીમાં સામેલ કરવાનો હતો.પોલીસ અધિકારીઓ અને તેમના પરિવારો દ્વારા આયોજિત આ મહોત્સવમાં વડીલોએ ખુશી ખુશી ભાગ લીધો અને ગરબાના તાલે ઝૂમ્યા..

વડીલોને જોઈને પોલીસકર્મીઓ અને તેમના પરિવારો પણ ભાવુક થઈ ગયા હતા.આ પહેલથી વૃદ્ધાશ્રમના વડીલોને ખૂબ આનંદ થયો અને તેમણે પોલીસ પરિવારનો આભાર વ્યક્ત કર્યો.આ કાર્યક્રમે સમાજમાં સૌહાર્દ અને એકતાનો સંદેશ આપ્યો.