બાલાસિનોરમાં શ્રીનાથજી સોસાયટીમાં પરંપરાગત રીતે માતાજીની આરતી અને ગરબાનું આયોજન

બાલાસિનોર શહેરમાં આવેલા શ્રીનાથજી સોસાયટી ખાતે માતાજીના પ્રાચીન ગરબાનું આયોજન કરવામાં આવ્યું હતું. ગરબા પૂર્ણ થયા બાદ ભક્તિમય માહોલ વચ્ચે માતાજીની આરતી કરવામાં આવી હતી. આ ધાર્મિક કાર્યક્રમમાં સોસાયટીના તમામ રહેવાસીઓએ ઉત્સાહભેર ભાગ લીધો હતો.

આ પ્રસંગે માઈ ભક્તોએ માતાજીના ગુણલા ગાઈને અને ગરબા રમીને પોતાની ખુશી વ્યક્ત કરી હતી. સોસાયટીના આબાલવૃદ્ધ સૌએ માતાજીની આરાધના કરીને ધન્યતા અનુભવી હતી. આખી સોસાયટીમાં આનંદ અને ઉત્સાહનો માહોલ છવાયો હતો.

બાલાસિનોર શહેરમાં અનેક જગ્યાએ, જેમ કે શેરી, મહોલ્લા, સોસાયટીઓ અને ચોકમાં માતાજીની આરાધના કરવામાં આવે છે. આ પરંપરાગત ઉત્સવો દરમિયાન, સૌ જગતજનની માતાજી સૌનું રક્ષણ કરે તેવી પ્રાર્થના કરવામાં આવે છે.