બનાસકાંઠા: પાલનપુર પોલીસ પરેડ ગ્રાઉન્ડમાં નવરાત્રીનો ઉત્સાહ, પોલીસ અધિક્ષક પણ જોડાયા ગરબામાં..

બનાસકાંઠાના-:
પાલનપુર ખાતે પોલીસ પરેડ ગ્રાઉન્ડમાં નવરાત્રીનો ઉત્સવ ધામધૂમથી ઉજવાઈ રહ્યો છે.આ ઉત્સવમાં સ્થાનિક લોકો મોટી સંખ્યામાં ભાગ લઈ રહ્યા છે અને ગરબાની રમઝટ માણી રહ્યા છે.આ પ્રસંગે પોલીસ અધિક્ષક પ્રશાંત સુંબે પણ ઉપસ્થિત રહ્યા હતા.તેમણે લોકો સાથે મળીને ગરબામાં ભાગ લીધો હતો,જેનાથી ઉત્સવનો માહોલ વધુ આનંદમય બન્યો હતો. તેમની ઉપસ્થિતિએ પોલીસ અને જનતા વચ્ચે સકારાત્મક સંબંધોને વધુ મજબૂત બનાવ્યા હતા..

પોલીસ પરેડ ગ્રાઉન્ડમાં સુરક્ષા વ્યવસ્થા પણ ગોઠવવામાં આવી હતી,જેથી સૌ કોઈ નિશ્ચિંતપણે ઉત્સવનો આનંદ માણી શકે.આયોજકો દ્વારા વિવિધ સાંસ્કૃતિક કાર્યક્રમોનું પણ આયોજન કરવામાં આવ્યું હતું.