પલસાણાના અંત્રોલી ગામે ધાબેથી પટકાતા બે મિત્રોના મોત

સુરત જિલ્લાના પલસાણા તાલુકાના અંત્રોલી ગામમાં ગત 11 ઓક્ટોબરની રાત્રે એક ગમખ્વાર ઘટના બની હતી. ગામના ટેકરી ફળિયામાં આવેલ શ્રી હરિ નિવાસ બિલ્ડિંગના ધાબા પરથી બે મિત્રો નીચે પટકાયા હતા, જેના કારણે બંનેના કરૂણ મોત નીપજ્યા હતા.

મૃતકોની ઓળખ સંજીવકુમાર કુશે મંડલ અને દિલીપકુમાર શ્યામ મુખ્યા તરીકે થઈ છે. આ ઘટના બાદ સ્થાનિક પોલીસ ઘટનાસ્થળે પહોંચી હતી અને વધુ તપાસ હાથ ધરી હતી.

આ દુર્ઘટના કેવી રીતે બની તે અંગે હાલ તપાસ ચાલી રહી છે. સ્થાનિક લોકોમાં આ ઘટનાને લઈને શોકનું મોજું ફરી વળ્યું છે.