જામનગરમાં વાહન ચલાવવા બાબતના ઝઘડામાં શિક્ષક પર પથ્થરમારો, કપાળમાં ફ્રેક્ચર

જામનગરના હનુમાન ટેકરી નીલકમલ સોસાયટી વિસ્તારમાં ખાતે વાહન ચલાવવા બાબતે થયેલી જૂની બોલાચાલીનો ખાર રાખી બે શખ્સોએ શિક્ષક પર પથ્થરમારો કર્યો હોવાની ફરિયાદ સીટી 'C' ડિવિઝન પોલીસ મથકે નોંધાઈ છે. ફરિયાદ મુજબ, બે દિવસ પહેલાં ફરિયાદીના કાકાના પુત્રને આરોપી સાથે હોન્ડા ચલાવવા બાબતે બોલાચાલી થઈ હતી. આ બાબતનો ખાર રાખી આરોપીઓ ભાનિયો બાવરી અને રામુએ ફરિયાદીના કાકા સાથે ગાળાગાળી કરી હતી. દરમિયાન ફરિયાદી બહાર આવતાં બંનેએ પથ્થરના ઘા કર્યા હતા, જેમાં શિક્ષક અસરફભાઈ હારૂનભાઈ નોયડાના કપાળમાં ફ્રેક્ચર થયું હતું અને નાકમાંથી લોહી નીકળતી ઈજા થઈ હતી. પોલીસે બંને આરોપીઓ વિરુદ્ધ ભારતીય ન્યાય સંહિતા તથા જી.પી. એક્ટ હેઠળ ગુનો નોંધી વધુ તપાસ હાથ ધરી
છે.