ରାସ୍ତା ଉପରେ ଯୁବକଙ୍କୁ ଉଲଗ୍ନ କରି ନିସ୍ତୁକ ମାଡ଼

ପୁରୀର ଚନ୍ଦନପୁର ଅଞ୍ଚକରେ ଅଭାବନୀୟ ଘଟଣା । ରାସ୍ତା ଉପରେ ଜଣେ ଯୁବକଙ୍କୁ ଉଲଗ୍ନ କରି ସଂଘବଦ୍ଧ ଭାବେ ନିସ୍ତୁତ ମାଡ଼ । ଯାହାର ଭିଡିଓ ବର୍ତ୍ତମାନ ସୋଶାଲ ମିଡିଆରେ ଭାଇରାଲ ହେବାରେ ଲାଗିଛି । ଘଟଣାର ପ୍ରକୃତ କାରଣ କଣ ତାହା ସ୍ପଷ୍ଟ ହୋଇନାହିଁ । ଚନ୍ଦନପୁର ଥାନା ନିକଟରେ ଜଳକବର ଛକରେ ଘଟିଛି ଏଭଳି ଘଟଣା।
ମାନସିକ ବିକାରଗ୍ରସ୍ତ ମହିଳାଙ୍କୁ ଯୁବକ ଜଣଙ୍କ ଅସଦାଚରଣ କରିଥିବାର ଅଭିଯୋଗ ପରେ ସ୍ଥାନୀୟ ଲୋକେ ଯୁବକଙ୍କୁ ଉଲଗ୍ନ କରି ନିସ୍ତୁକ ମାଡ଼ ମାରିଥିଲେ । ଯାହାର ଭିଡିଓ କରି ବର୍ତ୍ତମାନ ସେମାନେ ସୋଶାଲ ମିଡିଆରେ ଭାଇରାଲ କରିଛନ୍ତି । ଖବର ପାଇ ଘଟଣାସ୍ଥଳକୁ ଚନ୍ଦନପୁର ପହଞ୍ଚିଥିଲା । ପରେ ଭିଡ ମଧ୍ୟରୁ ଯୁବକଙ୍କୁ ଉଦ୍ଧାର କରି ହସ୍ପିଟାଲକୁ ପଠାଇଥିଲା ।
ଆକ୍ରମଣର ଶିକାର ହୋଇଥିବା ଯୁବକଙ୍କର ପରିଚୟ ବର୍ତ୍ତମାନ ସୁଦ୍ଧା ମିଳିପାରିନାହିଁ । ଚନ୍ଦନପୁର ଥାନା ପୁଲିସ ଏହି ଘଟଣାର ତଦନ୍ତ ଜାରି ରଖିଛି ।