આંકલાવ: મોટી સંખ્યાડ ગામે 'મેગા મેડિકલ-લીગલ કેમ્પ'નું સફળ આયોજન

આંકલાવ તાલુકાના કાંઠા વિસ્તારના અગ્રણી રાજકીય અને સામાજિક આગેવાન નગીનભાઈ સોલંકીની પ્રેરણાદાયી સેવાકીય પહેલ અંતર્ગત આજે આંકલાવ તાલુકાના મોટી સંખ્યાડ ગામની ભાગોળ ખાતે 'મેગા મેડિકલ અને લીગલ ગાઈડન્સ કેમ્પ'નું ભવ્ય સફળ આયોજન સંપન્ન થયું છે.

આજે સવારે ૧૧ થી ૧ વાગ્યા દરમિયાન યોજાયેલા આ કેમ્પમાં મોટી સંખ્યાડ ગામ સહિત આસપાસના ગામોમાંથી વિશાળ સંખ્યામાં મહિલાઓ, બાળકો, વડીલો અને ખેડૂતોએ લાભ લીધો હતો.

આ સેવાકીય કાર્યક્રમ દ્વારા સ્થાનિક નાગરિકોને આરોગ્ય અને કાયદાકીય માર્ગદર્શન પૂરું પાડવાનો ઉમદા હેતુ સિદ્ધ થયો.