తణుకులో ప్రజాసంఘాల నిరసన: ఢిల్లీలో అరెస్ట్ అయిన వారిని విడుదల చేయాలని డిమాండ్

న్యూఢిల్లీలోని జంతర్ మంతర్ వద్ద అరెస్ట్ అయిన వారిని తక్షణమే విడుదల చేయాలని కోరుతూ తణుకులో వివిధ ప్రజా సంఘాల నాయకులు ఆదివారం ధర్నా నిర్వహించారు. కేంద్రంలోని బీజేపీ ప్రభుత్వం నిర్బంధ చర్యలకు పాల్పడుతోందని వారు ఆరోపించారు.

పట్టణంలోని మున్సిపల్ కార్యాలయం సమీపాన ఉన్న డాక్టర్ బీఆర్ అంబేడ్కర్ విగ్రహం వద్ద ఈ నిరసన కార్యక్రమం జరిగింది. ఈ నిరసనకు సామాజిక న్యాయ పోరాట సమితి వ్యవస్థాపక అధ్యక్షుడు పేరూరి మురళీకుమార్ ఆధ్వర్యం వహించారు.

కేంద్ర ప్రభుత్వం ప్రజాస్వామ్యయుతంగా నిరసన తెలిపే వారిపై అణచివేత చర్యలకు పాల్పడుతోందని నిరసనకారులు విమర్శించారు. తమ డిమాండ్లను వెంటనే పరిష్కరించాలని వారు ప్రభుత్వానికి సూచించారు.