ગળતેશ્વર: થર્મલ વિસ્તારમાં આધુનિક ગરબાનું વ્યાજબી ભાવે વેચાણ શરૂ

ગળતેશ્વરના થર્મલ વિસ્તારમાં આવેલી ક્રિષ્ના સોસાયટી ખાતે માતાજીના આધુનિક ગરબાનું વેચાણ શરૂ કરવામાં આવ્યું છે. અહીં તમામ પ્રકારની ડિઝાઇનમાં ઉપલબ્ધ ગરબા ખૂબ જ વ્યાજબી ભાવે મળી રહ્યા છે. નવ દિવસીય નવરાત્રિ દરમિયાન માતાજીની આરાધના માટે ભક્તો પોતાના ઘર અને શેરી-મહોલ્લામાં ગરબા લઈ જાય છે, ત્યારે આ વર્ષે ગરબાનું વેચાણ સારું જોવા મળી રહ્યું છે.

આ અંગે પ્રજાપતિ નયના યોગેશભાઈએ જણાવ્યું હતું કે, તેઓ વિવિધ પ્રકારની ડિઝાઇન અને આધુનિક શૈલીના ગરબાનું વેચાણ કરી રહ્યા છે. ગ્રાહકોને પસંદગી મુજબના ગરબા મળી રહે તે માટે પ્રયાસ કરવામાં આવ્યો છે. વ્યાજબી ભાવ અને આકર્ષક ડિઝાઇનને કારણે ગ્રાહકોમાં ઉત્સાહ જોવા મળી રહ્યો છે.

નવરાત્રિના તહેવારને લઈને લોકોમાં અનેરો ઉમંગ જોવા મળી રહ્યો છે. માતાજીના ગરબાની ખરીદી માટે ભક્તોની ભીડ જોવા મળી રહી છે. આધુનિક ગરબાની સાથે પરંપરાગત ગરબા પણ ઉપલબ્ધ હોવાનું જાણવા મળ્યું છે.