અમદાવાદમાં વાઈબ્રન્ટ નવરાત્રિ મહોત્સવમાં હસ્તકલા બજાર, ફૂડ સ્ટોલ્સ અને બાલનગરીનું ઉદ્ઘાટન..

અમદાવાદમાં આયોજિત વાઈબ્રન્ટ નવરાત્રિ મહોત્સવ પરિસરમાં સ્થાનિક કલા-કારીગરી અને પરંપરાને પ્રોત્સાહન આપતા હસ્તકલા બજાર,ગુજરાતના વૈવિધ્યસભર સ્વાદ પીરસતા ફૂડ સ્ટોલ્સ તેમજ બાળકોના મનોરંજન માટે ખાસ તૈયાર કરાયેલ બાલનગરી-કિડ્સ ઝોનનું ઉદ્ઘાટન કરવામાં આવ્યું છે.આ આયોજનનો મુખ્ય ઉદ્દેશ્ય રાજ્યના સ્થાનિક કારીગરો,સ્વસહાય જૂથો અને નાના ઉદ્યોગકારોને તેમના કૌશલ્યના પ્રદર્શન અને આજીવિકા માટે એક શ્રેષ્ઠ પ્લેટફોર્મ પૂરો પાડવાનો છે..

આનાથી તેમને પોતાની પ્રતિભા દર્શાવવાની અને આર્થિક રીતે સક્ષમ બનવાની તક મળશે.પરિવાર અને બાળકો સાથે આવતા પ્રવાસીઓ તથા ખેલૈયાઓ અહીં ગુજરાતના કલાત્મક હસ્તશિલ્પ, પારંપરિક વાનગીઓ અને વિવિધ આકર્ષણોનો ઉત્સાહપૂર્વક આનંદ માણી શકશે.આ બજાર અને ઝોન નવરાત્રિના ઉત્સાહમાં વધારો કરશે અને મુલાકાતીઓને એક અનોખો અનુભવ પ્રદાન કરશે.