పైడిపర్రులో పిచ్చికుక్క దాడి: మహిళకు తీవ్ర గాయాలు

తణుకు మండలం పైడిపర్రులోని జగనన్న కాలనీలో ఆదివారం పిచ్చికుక్క స్వైరవిహారం చేసింది. ఈ క్రమంలో స్థానికంగా నివాసం ఉంటున్న ఉన్నమట్ల భవాని అనే మహిళపై కుక్క దాడి చేయడంతో ఆమె తీవ్రంగా గాయపడింది.

భవానిని కాపాడేందుకు ప్రయత్నించిన నాని అనే వ్యక్తిపైనా కుక్క దాడి చేసింది. ఈ సంఘటనతో స్థానికులు భయాందోళనకు గురయ్యారు.

కుక్క దాడిలో తీవ్రంగా గాయపడిన ఉన్నమట్ల భవానిని కుటుంబ సభ్యులు, స్థానికులు వెంటనే చికిత్స నిమిత్తం తణుకు ప్రభుత్వ ఆసుపత్రికి తరలించారు. అక్కడ ఆమెకు వైద్యులు చికిత్స అందిస్తున్నారు.