ઈડરમાં રાણી તળાવના રૂ. ૪.૯૮ કરોડના કાયાકલ્પનું કામ ઝડપભેર..

સાબરકાંઠાના-:
ઈડર શહેરમાં ઐતિહાસિક રાણી તળાવના કાયાકલ્પનું કાર્ય ઝડપથી આગળ વધી રહ્યું છે. કેન્દ્ર સરકારની ‘અમૃત ૨.૦’ યોજના અંતર્ગત આ પ્રોજેક્ટ હાથ ધરવામાં આવ્યો છે, જેમાં કુલ રૂ. ૪.૯૮ કરોડનો ખર્ચ કરવામાં આવશે..

આ યોજનાનો મુખ્ય ઉદ્દેશ્ય રાણી તળાવને એક આકર્ષક પર્યટન સ્થળ તરીકે વિકસાવવાનો છે.તેના ભાગરૂપે તળાવ પરિસરને વધુ સુંદર અને સુવિધાયુક્ત બનાવવા માટે વિવિધ કાર્યો હાથ ધરાયા છે. આમાં શીલા ઉદ્યાન ગાર્ડન, વોકવે (ચાલવાનો રસ્તો) અને આધુનિક લાઇટિંગની વ્યવસ્થાનો સમાવેશ થાય છે.આ વિકાસ કાર્યો પૂર્ણ થયા બાદ રાણી તળાવ અને તેની આસપાસનો વિસ્તાર સ્થાનિકો તેમજ પ્રવાસીઓ માટે એક મનોહર સ્થળ બનશે. નવા વોકવે પર લોકો સહેલાઈથી ફરી શકશે,જ્યારે ગાર્ડન અને લાઇટિંગથી રાત્રિ દરમિયાન પણ પરિસર ઝળહળી ઉઠશે, જે તેની સુંદરતામાં વધારો કરશે.