తణుకు మున్సిపల్ ఛైర్మన్ పీఠంపై కూటమి, వైసీపీ కన్ను

తణుకు మున్సిపల్ ఛైర్మన్ పీఠంపై అధికార కూటమితో పాటు వైసీపీ పార్టీ కూడా తీవ్రంగా దృష్టి సారించింది. ఇప్పటికే ఆయా పార్టీలకు చెందిన ఆశావహులు తమ తమ పార్టీ అధినేతలతో మంతనాలు జరుపుతున్నట్లు సమాచారం.

రిజర్వేషన్లు ఇంకా ప్రకటించనప్పటికీ, గత అనుభవాలను దృష్టిలో ఉంచుకొని నాయకులు తమదైన అంచనాలకు వస్తున్నారు. అధికార కూటమిలో టీడీపీ నుంచి ఛైర్మన్ అభ్యర్థిని నిలబెట్టే యోచనలో ఉన్నట్లు తెలుస్తోంది. ఇది పార్టీ వర్గాల్లో చర్చనీయాంశంగా మారింది.

మరోవైపు, వైఎస్సార్ కాంగ్రెస్ పార్టీ నుంచి ఇద్దరు నాయకులు ఛైర్మన్ పదవి కోసం పోటీ పడుతున్నట్లు సమాచారం. ఈ నేపథ్యంలో, రాబోయే ఎన్నికల్లో తణుకు మున్సిపల్ ఛైర్మన్ పీఠం ఎవరికి దక్కుతుందనే దానిపై రాజకీయ వర్గాల్లో ఆసక్తి నెలకొంది.